अमेरिकामा कोरोना संक्रणबाट ३१ को मृत्यु

एजेन्सी - अमेरिकामा कोरोना भाइरसबाट संक्रमितको संख्या हजारभन्दा बढी पुगेको छ।

सीएनएनका अनुसार अमेरिकामा कोरोनाबाट संक्रमित एक हजार १० पुगेको छ। त्यहाँ मृतकको संख्या ३१ पुगेको छ। आइतबारयता अमेरिकामा कोरोना संक्रमित दोब्बरले बढेको अमेरिकी स्वास्थ्य अधिकारीहरुले बताएका छन्।

वासिङ्टन राज्यमा मात्र २७३ संक्रमित छन् त्यहाँ २४ को मृत्यु भएको छ। यस्तै क्यालिफोर्निया र न्युयोर्कमा सयभन्दा बढी संक्रमित छन्।

मासाचुसेट्समा ९२ भन्दा बढी संक्रमित पुगेको छ। अमेरिकाले आफू कोरोना भाइरस नियन्त्रण गर्न सक्षम भएको बताइरहँदा त्यहाँ संक्रमितको संख्या बढ्दै गएको छ।

अमेरिकाले कोरोना प्रभावित राष्ट्रहरु चीन, इटली, दक्षिण कोरिया लगायतका नागरिकलाई अमेरिका प्रवेशमा रोक लगाएको छ। हाल कोरोना सयभन्दा बढी मूलुकमा देखिएका छन्।