अमेरिकामा पनि तीब्र रुपमा फैलियो कोरोना भाइरस, २२ जनाको मृत्यु

काठमाडौं - संयुक्तराज्य अमेरिकाको क्यालिफोर्नियामा पनि प्राणघातक कोरोना जीवाणु ९भाइरस०का कारण २२ जनाको मृत्यु भएको छ । त्यस्तै संक्रमितहरुको संख्या ५४० पुगेको छ ।

विश्वभर हाल कोरोना सङ्क्रमित व्यक्तिको सङ्ख्या १ लाख १० हजारभन्दा बढी पुगिसकेको छ, र तीमध्ये करिब ७० भन्दाबढी हजार चीनमा रहेको बिबिसीले जनाएको छ ।

गत डिसेम्बरको अन्त्यबाट चीनको हुबेई प्रान्तको उहान शहरबाट शुरु भएको यस कोरोना भाइरस सक्रमणबाट चीनमा मात्र ३८ सयजनाभन्दा बढीको मृत्यु भएको छ ।

कोरोनाकै कारण दक्षिण कोरियामा हालसम्म ५१ जनाको मृत्यु भइसकेको छ । त्यसैगरी ७ हजार ३६३ जनामा कोरोना सङ्क्रमण देखिएको जनाइएको छ ।

जोखिम नियन्त्रण गर्न दक्षिण कोरियाका प्रधानमन्त्री चुङ स्ये–क्यूनले अनुहारमा लगाउने मास्क विदेश निर्यात गर्न प्रतिबन्ध लगाइएको घोषणा गरेका छन् ।