राँगोलाई नियन्त्रणमा लिन प्रहरीले गोली चलायो

काठमाडौं - न्यूरोडमा प्रहरीले उन्मत्त राँगोको हत्या गरेको छ । स्वयम्भु तर्फबाट रन्थनिँदै न्यूरोड आइपुगेको राँगोलाई प्रहरीले गोली हानेर मारेको हो ।

महानगरीय प्रहरी वृत्त जनसेवाको टोलीले राँगोलाई नियन्त्रणमा लिन गोली हानेको हो । सडकमा मानिसहरुलाई राँगोले आक्रमण गरेर घाइतेसमेत बनाएकाले थप घटना हुन नदिन प्रहरीले गोली हानेर मारेको हो ।

काठमाडौंमा यसअघि पनि राँगोले सर्वसाधारणलाई घाइते बनाएपछि प्रहरीले राँगो माथि गोली चलाउनु परेको थियो ।