आईजीपी थापाबिरुद्ध फेसबुकमा जथाभावी लेख्ने बिष्ट पक्राउ

काठमाडौं - प्रहरी महानिरीक्षक (र्आजीपी) दीपक थापाबिरुद्ध सामाजिक संञ्जालमा जथाभावी लेख्ने एक जना पक्राउ परेका छन् ।

आईजीपी थापाको तस्वीर राखेर सामाजिक संञ्जालमा पोष्ट गर्ने ललितपुरका कमल बिष्ट पक्राउ परेका हुन्। बिष्टलाई प्रहरीले मंगलबार पक्राउ गरेको हो ।

बिष्टले सामाजिक संजाल फेसबुकमा आईजीपी थापाबिरुद्ध अमर्यादित कुरा पोष्ट गरेका थिए । उनले फेसबुकमा नेपाल प्रहरी र आईजीपी थापाविरुद्ध अपमानित हुने कुरा लेखेर पोस्ट गरेका थिए।

शान्तिसुरक्षा कायम गर्ने जिम्मेवारी पाएको नेपाल प्रहरीका आईजीपी थापाबिरुद्ध जथाभावी लेख्ने अन्य ब्यक्तिहरुमाथ पनि प्रहरीले निगरानी बढाएको छ ।

राजावादीहरुको आन्दोलनका क्रममा मंगलबार बल्खुमा राप्रपा अध्यक्ष राजेन्द्र लिङ्देनले आईजीपी थापालाई एमाले निकट ‘युवासंघको सहअध्यक्ष’ भन्दै गैरजिम्मेवार अभिब्यक्ति दिएका थिए ।

उक्त अमर्यादित अभिब्यक्तिले पनि प्रहरी प्रमुखका बिरुद्ध जथाभावी लेख्नेहरु उत्साहित भए छन् ।