देशभर मनसुन सक्रिय

काठमाडौं - गत वर्षभन्दा दश दिन ढिलो भित्रिएको मनसुन बिहीबारदेखि देशभर सक्रिय भएको छ । 

देशको मध्य र पूर्वी भू–भागमा मनसुन बढी सक्रिय रहेको र पश्चिमी क्षेत्रमा न्यूनचापीय रेखा बनेकाले मनसुन कम सक्रिय रहेको महाशाखाका मौसमविद् मञ्जु बासीले बताइन् । 

उनले यस्तो अवस्थामा वर्षा लगातर नभई छिनमै घाम लाग्ने छिनमै पानी पर्ने हुन्छ । बिहीबार देशको पूर्वी र मध्य भू–भागको तुलनामा पश्चिमी भू–भागमा कम वर्षा हुने महाशाखाले जनाएको छ । 

राति देशको मध्य र पूर्वी भू–भागमा सामान्यदेखि पूर्ण बदली रहने र पश्चिमी भू–भागमा आंशिक बदली रहने छ ।