बार्सिलोनाको जितमा ग्रिजम्यान र रोबर्टोको गोल

काठमाडौं - स्पेनिस लिग ला लिगमा बार्सिलोनाले संघर्षपुर्ण जित निकालेको छ ।

शनिबार राति भएको खेलमा बार्सिलोनाले गेटाफेलाई २-१ गोल अन्तरले पराजित गर्दै कठिन जित निकालेको हो । घरेलु मैदानमा बार्सिलोनाका लागि एन्टोनियो ग्रिजम्यान र सेर्गी रोबर्टोले एक एक गोल गरे । भने गेटाफेका लागि एन्जल रोड्रिगेजले एक गोल फर्काए ।

खेलको ३३ औं मिनेटमा ग्रिजम्यानले गोल गर्दै बार्सिलोनालाई अग्रता दिलाएका थिए । ३९ औं मिनेटमा रोबर्टोले गोल गर्दा पहिलो हाफमा बार्सिलोना २-० ले अघि रह्यो ।

दोस्रो हाफको ६६ औं मिनेटमा रोड्रिगेजले एक गोल फर्काएपनि बार्सिलोनाले २-१ को जित हात पार्यो । जितसँगै बार्सिलोना ५२ अंकको साथ स्थानको रियल मड्रिडसँगको अंक बराबरी गरेको छ ।एक खेल कम खेलेको रियलको पनि ५२ अंक रहेको छ । लिगमा ४२ अंक जोडेको गेटाफे तेस्रो स्थानमा रहेको छ ।