एजेन्सी - जर्मन क्लब बायर लिभरकुसनका मिडफिल्डर काइ हाभर्ट्ज इंग्लिस क्लब चेल्सीमा अनुबन्ध भएका छन् । हाभर्ट्जले चेल्सीसँग ५ बर्षको सम्झौता गरेका हुन् ।

चेल्सीले कीर्तिमानी मुल्य ७१ मिलियन पाउण्डमा जर्मन क्लबका मिडफिल्डरसंग सम्झौता गरेको हो ।

जर्मनका अन्तराष्ट्रिय खेलाडीले बुन्डेसलिगा क्लबबाट १ सय १८ खेलमा ३६ गोल र २५ गोलको अवसर सिर्जना गरेका छन् ।

यस समर ट्रान्सफरमा चेल्सीले हाभर्ट्जसहित अन्य सात खेलाडी अनुबन्ध गरेको छ । यसअघि फरवार्ड टिमो वार्नर, मिडफिल्डर हाकिम जियाच, डिफेन्डर जाभियर बुयुम्बा, मलंग सर्र, बेन चिलवेल र थियागो सिल्भालाई स्टामफोर्ड ब्रिज क्लबमा अनुबन्ध भैसकेका छन् ।

लिभरकुसनको एकेडेमीमा हुर्किएका हाभर्ट्जले यस सिजन मात्र ४५ खेलमा १८ गोल गरेका छन् ।