लिभरपुलको सानदार जित

एजेन्सी - लिभरपुलले प्रिमियर लिग फुटबलमा सानदार जित निकालेको छ ।

गएराति घरेलु मैदान एनफिल्डमा भएको खेलमा लिभरपुलले क्रिस्टल प्यालेसलाई ४–० गोल अन्तरले पराजित गरेको हो ।लिभरपुलको जितमा एलेक्जेन्डर अर्नोल्ड, मोहमद सलाहा, फाबिन्हो र साडियो मानेले एक एक गोल गरे ।

एलेक्जेन्डर अर्नोल्डले २३ औं मिनेटमा फ्रिकिकमार्फत गोल गर्दै लिभरपुललाई अग्रता दिलाएका थिए । मोहमद सलाहाले ४४ औं मिनेटमा लिभरपुलको अग्रता दोब्बर बनाए । योसँगै सलाहाले लिभरपुलका लागि सय गोल गरेका छन् ।

फाबिन्होले ५५ औं मिनेटमा लिभरपुललाई ३–० को बलियो स्थितिमा पुर्याए । सलाहाको पासमा साडियो मानेले ६९ औं मिनेटमा लिभरपुलको जित सुनिश्चित गरेका थिए ।

शीर्ष स्थानको लिभरपुलले ८६ अंक जोडेको छ भने क्रिस्टल प्यालेस ४२ अंकसहित तालिकाको नवौं स्थानमा रहेको छ ।