काठमाडौं - युइएफ नेशन्स लिगमा बेल्जियम र इंग्ल्याण्डले विजयी सुरुवात गरेका छन् ।

गएराति भएको लिगको समूह बी अन्तर्गत खेलमा बेल्जियमले डेनमार्कलाई २-० ले पराजित गरेको छ ।

बेल्जियमका लागि जासोन डेनाएले नवौँ मिनेट र ड्राइज मर्टेन्सले ७६ औँ मिनेटमा एक एक गोल गरे ।

यस्तै, सोही समूहको अर्को खेलमा इंग्ल्याण्डले आइसल्याण्डलाई १-० ले हराएको छ। इंग्ल्याण्डको जितमा खेलको ९१ औँ मिनेटमा रहिम स्टर्लिङ पेनाल्टीमा गोल गरे ।

इन्जुरी टाइममा आइसल्याण्डले पनि पेनाल्टी पाए पनि बिरकिले गोल गर्न सकेनन् ।