काठमाडौं - ईङ्लिस प्रियिमर लिग फुटबलमा लिभरपुलले कीर्तिमानी जित निकालेको छ ।

सोमबार राति वेस्ट ह्यामविरुद्ध जित निकाल्दै लिभरपुलले म्यान्चेष्टर सिटीले कायम गरेको लगातार १८ जितको कीर्तिमान बराबरी गरेको हो ।

खेलमा लिभरपुलले रेलिगेशन जोनमा रहेको वेस्ट ह्यामबिरुद्ध लिभरपुलले ३–२ को कठिन जित निकाल्यो ।

जर्जिन्हो विजनाल्डमले खेलको नवौं मिनेटमा एनफिल्ड क्लब लिभरपुललाई सुरुवाती अग्रता दिलाएका थिए । त्यसको तीन मिनेटपछि पाहुना टोली वेस्ट ह्यामका इस्सा डिपले गोल गर्दै खेल बराबरीमा ल्याए ।

दोस्रो हाफमा पाब्लो फोर्नाल्सको गोलसंगै वेस्ट ह्याम खेलमा अगाडी बढ्यो । ६८ औ मिनेटमा मोहमद सलाहाले खेल बराबरीमा ल्याए । बराबरीतर्फ उन्मुख खेलको ८१ औ मिनेटमा साडियो मानेले गोल गर्दै लिभरपुललाई महत्वपूर्ण तीन अंक दिलाए ।

लिभरपुलले लिगमा २२ अंकको अग्रता कायम गर्यो । डेबिड मोयस नेतृत्वको वेस्ट ह्याम २४ अंक सहित रेलिगेशन जोनमै रह्यो ।