पिएसजीले लियोनविरुद्ध हान्यो पाँच गोल

काठमाडौं -  फ्रेन्च कपमा पिएसजीले लियोनलाई ५-१ गोलले पराजित गर्दै फाइनलमा प्रवेश गर्न सफल भएको छ । पिएसजीलाई जित दिलाउन काइलियन एमबाप्पले ह्याट्रिक गरे । खेलको ११ औँ मिनेटमा लियोनका लागि मार्टिन टेरियरले गोल गर्दै अग्रता दिलाएका थिए ।

तर, खेलको १४ औँ मिनेटमा एमबाप्पेले बराबरी गोल फर्काउन सफल भए । खेलको ६१ औँ मिनेटमा लियोन १० जना खेलाडीमा सीमित हुन पुग्यो । लियोनका फर्नानण्डो मार्कल रातो कार्ड खाँदै बाहिरिए ।

खेलको ६४ औँ मिनेटमा नेयमारले पेनाल्टीमार्फत गोल गरे । खेलको ७० औँ मिनेटमा एमबाप्पेले गोल गरे ।

खेलको ८१ औँ मिनेटमा पाब्लो साराबाले गोल गरे । खेलको अन्तिम समयमा एमबाप्पले गोल गर्दै ह्याट्रिक पुरा गरे । सानदार जित हात पारेको पिएसजीले फाइनलको यात्रा तय गरेको छ ।