एजेन्सी - लिभरपुलका प्रशिक्षक योर्गेन क्लोप वर्षकै उत्कृष्ट प्रशिक्षक घोषित भएका छन् । जर्मन प्रशिक्षक क्लोपले 'एलएमए म्यानेजर अफ दि इयर 'अवार्ड जितेका छन् ।

उक्त अवार्ड लिग म्यानेजर्स एसोसिएसनले प्रदान गरेको हो । ३० वर्षपछि लिभरपुललाई पहिलो पटक लिग उपाधि जिताएका कारण क्लोपले अवार्ड जितेका हुन् ।

प्रशिक्षण दिने तरिका र टिमलाई आक्रामक बनाउने क्लोपको रणनीतिको म्यान्चेष्टर युनाईटेडका पूर्व प्रशिक्षक सर एलेक्स फर्गुसनले प्रशंसा गरेका छन् ।

यस सिजन लिभरपुलले ९९ अंक सहित प्रिमियर लिगको उपाधि उचालेको थियो । यस्तै, महिलातर्फ चेल्सीका प्रशिक्षक इमा हेएसले 'एलएमए म्यानेजर अफ दि इयर' अवार्ड जितिन् ।