काठमाडौं - लिभरपुलका गोलकिपर एलिसनले च्याम्पियन्स लिगको अन्तिम १६ को दोस्रो लेगको एट्लेटिको मड्रिडबिरुद्धको खेल गुमाउने भएका छन् ।

हिपमा चोट लागेका कारण उनले च्याम्पियन्स लिगको आगामी खेलबाट बाहिरिएका हुन् ।

लिभरपुलले आगामी बुधबार एट्लेटिको मड्रिडलाई घरेलु मैदानमा प्रतिस्पर्धा गर्दै छ । पहिलो लेगको खेलमा एट्लेटिकोले लिभरपुललाई १–० ले हराएको थियो ।

एलिसन चोटकै कारण ब्राजिली टिमबाट समेत बाहिरिएका छन् । उनले विश्वकप छनोटको बोलिभिया र पेरुसंगको खेल समेत गुमाउनेछन् ।