एजेन्सी - नेपाली लेग स्पिनर सन्दीप लामिछाने सम्मिलित जमैका तलाबाजले क्यारेबिन प्रिमियर लिग ९सीपीएल० क्रिकेटमा तेस्रो हार ब्यहोरेको छ ।

गएराति भएको खेलमा जमैका बर्बाडोस ट्राइडेन्ससंग ३६ रनले पराजित भएको हो । सुरुमा ब्याटिङ गरेको बर्बाडोसले ७ विकेटको क्षतीमा १ सय ४८ रन बनाएको थियो । उसका लागि केयल मेयर्सले सर्वाधिक ८५ रन जोडे भने मिसेल सेन्टनरले २० रन दिए । अन्य खेलाडीले दोहोरो अंक जोड्न सकेनन् ।

जमैकाका मुजिद उर रेहमानले ३ तथा सन्दीपले २ विकेट लिए । सन्दीपले ४ ओभर बलिङ गर्दै १६ रन दिएर २ विकेट हात पारेका थिए ।

१ सय ४९ रनको लक्ष्य पछ्याएको जमैकाले ९ विकेट गुमाएर १ सय १२ रन मात्र बनाउन सक्यो । नक्रमा बोनरले बनाएको ३१ रन दिए पनि अन्य खेलाडीले उल्लेखनिय प्रदर्शन गर्न सकेनन् । सन्दीप ४ रनमा नटआउट रहे । जमैकाले ५ खेलबाट २ खेलमा जित निकाल्दै ४ अंक जोडेको छ । जमैका तालिकाको पाँचौ स्थानमा छ ।