काठमाडौं - सिंगापुरमा जारी त्रिकोणात्मक टी–ट्वान्टी क्रिकेट सिरिजको दोस्रो खेलमा नेपालमा आज (शनिबार) आयोजक सिंगापुरसँग प्रतिस्पर्धा गर्दैछ ।

इन्डियन एसोसियसनको मैदानमा नेपाल र सिंगापुरबीचको खेल नेपाली समय अनुसार साँझ ५ः१५ बजे सुरु हुनेछ । सिरिजको पहिलो खेलमा नेपाल टेष्ट राष्ट्र जिम्बावेसँग ५ विकेटले पराजित भएको थियो ।

घरेलु टिमविरुद्ध मैदान उत्रदा नेपाल पहिलो जितको खोजीमा हुनेछ । सिरिजको फाइनलमा पुग्न नेपाललाई जित आवश्यक छ ।

यस्तै नेपाल घरेलु टिमसँग दुई महिनाअघि सिंगापुरमै भएको आईसीसी टी(ट्वान्टी विश्वकप अन्तर्गत एसिया छनोटमा व्यहोरेको हारको बदला लिने योजनामा हुनेछ । जसको कारण नेपाल ग्लोबल छनोटमा पुग्न असफल भएको थियो ।