एजेन्सी - नेपाली लेग स्पिनर सन्दीप लामिछाने सम्मिलित जमैका तलाबाजले क्यारेबियन प्रिमियर लिग (सीपीएल)मा दोस्रो जित निकालेको छ ।

नेपाली समयानुसार बुधबार बिहान सकिएको खेलमा तलाबाजले गुएना एमेजन वारियर्समाथि ५ विकेटको जित निकालेको हो ।

पहिले ब्याटिङ गरेको गुएनाले ९ विकेट गुमाएर १ सय १३ रन मात्र बनाएको थियो । जवाफमा जमैकाले १८ ओभरमा ५ विकेट गुमाएर १ सय १३ रन बनायो ।

खेलमा सन्दीपले ४ ओभर बलिङ गर्दै १२ रन मात्र खर्चेर र एक विकेट लिए । उनले सेरफन रडरफोर्डको विकेट लिएका हुन् ।