एजेन्सी - यूईएफए नेसन्स लिगमा आज स्पेन र जर्मनी भिड्ने भएका छन् । खेल जर्मनीको मर्सिडिज बेन्ज अरिनामा नेपाली समयानुसार राती साढे १२ बजे सुरु हुनेछ ।

कोरोना भाइरसको महामारीका कारण रोकिएको अन्तर्राष्ट्रिय फुटबल यूईएफए नेसन्स लिग २०२०/२१ को छनोट खेलबाट बिहिबारबाट सुरु हुन लागेको हो ।

समूह डीमा रहेका दुवै टोली सुरुवाती खेलमा जित निकाल्दै सुखद सुरुवात गर्न चाहन्छन् ।

त्यस्तै यसै समूहको अर्को खेलमा युक्रेनले स्विट्जरल्यान्डको समना गर्नेछ । खेल नेपाली समयअनुसार राति साढे १२ बजेबाट युक्रेनको एरिन एलभीआईभीमा सुरु हुनेछ ।