काठमाडौं - ब्राजिलियन तथा फ्रान्सेली क्लब पेरिस सेन्ट जर्मेन (पीएसजी)का डिफेन्डर थियागो सिल्भा इंग्लिस क्लब चेल्सीमा अनुबन्धित भएका छन् ।

डिफेन्डर सिल्भाले चेल्सीसँग एक वर्षको सम्झौता गरेका छन् । क्लबको चाहनाअनुसार अर्को एक वर्ष सम्झौता थप गर्न पाउने प्रावधान रहेको छ । च्याम्पियन्स लिगको फाइनलमा उनकै कप्तानीमा रहेको पीएसजी जर्मन क्लब बायर्न म्युनिखसँग १-० ले पराजित भएको थियो ।

३५ वर्षीय सिल्भाले चेल्सीसँग सम्झौता गरेपछि लाम्पार्डको टोलीमा रहेर खेल्न उत्सुक रहेको बताएका छन् । सिल्भाले पीएसजीअघि एसी मिलानबाट खेल्दै कप्तानका रुपमा इटालियन लिगको उपाधि जितेका थिए । उनी सन् २०१२ मा पीएसजी आएका थिए ।

  रोशनराज गुरुङ, माण्डवी त्रिपाठी र अञ्जना गुरुङलगायतको स्वरले रहेको छ ।