काठमाडौं - रियल मड्रिड ग्यारेथ बेल र हामेश रोद्रिगेज बेच्न तयार रहेको मिडिया रिपोर्टमा उल्लेख छ । मिडिया रिपोर्टका अनुसार रियलमा नयाँ अनुहार अनुबन्ध गर्न पनि उनीहरुलाई अफलोड गर्न क्लब तयार भएको बताइएको छ ।

पछिल्लो समय रियलले लिभरपुलका स्टार खेलाडी साडियो माने, पिएसजीका युवा खेलाडी काइलियन एमबाप्पे तथा म्यानेचस्टर युनाइटेडका मिडफिल्डर पोउल पोग्वा अनुबन्ध गर्न चाहिरहेको छ ।

रियलका प्रशिक्षक क्लबलाई फिट हुने र लामो समय आफ्नो रणनीतिमा टिकिरहने खेलाडीको खोजीमा रहेको समिक्षकहरु बताउँछन् ।

यस सिजन सन्तुलित खेल प्रदर्शन गर्न नसकेको रियलको खेल सुधारका लागि पनि नयाँ खेलाडी अनुबन्ध गर्ने र आफ्नो योजनामा नरहेका खेलाडी बेच्ने तयारीमा जिदान रहेका छन् ।

रियललाई लगातार तीनपटकसम्म च्याम्पियन्स लिगको उपाधि जिताउन सफल उनी खेलाडी छनोटमा पनि मास्टर रहेको समिक्षकहरु बताउँछन् ।