यसकारण स्टार खेलाडीहरुको विकल्प खोज्दै बार्सिलोना !

काठमाडौं - बार्सिलोनामा पछिल्लो समय केही खेलाडीहरुको विकल्पको खोजी भइराखेको छ । बार्सिलोना स्टार लियोनल मेस्सीपछि बार्सिलोनाको जिम्मेवारी कसले सम्हाल्छ भन्ने चासो पनि उत्तिकै उठिराखेको छ ।

बार्सिलोनाले उनको विकल्पमा ब्राजिलियन नेयमार अनुबन्ध गर्न चाहेको खबर बाहिर आइराखेको छ । त्यस्तै बार्सिलोनका स्टार खेलाडी हुन् लुइज स्वारेज ।बार्सिलोना आउनुपुर्वको उनको छबि र आएपछिको उनको छवि आकाश जमिनको फरक रहेको छ । उनले बार्सिलोनालाई उपाधि दिलाउन समेत सफल भए ।

बितेका वर्षमा उनी बार्सिलोनाकै सफल फरवार्ड भएको परिचय समेत बनाए । तर, अब उनले आफ्नो विकल्प खोज्न क्लबलाई आग्रह गरिसकेको खबर पनि बाहिर आइसकेको छ ।

बार्सिलोनालाई फरवार्ड आवश्यकता परेका अवस्था रहेको छ । इन्टर मिलानका लउटेरो मार्टिनेजलाई अनुबन्ध गर्न बार्सिलोनाले खोजीरहेको छ । बार्सिलोनाले आफ्नो दबदबा कायम राखिराख्न पनि अनुबन्ध गर्ने खेलाडी निकै प्रतिस्पर्धी हुनुपर्ने समिक्षकहरु बताउँछन् ।