एजेन्सी - फ्रेन्च लिग वान फुटबलमा लियोनले फराकिलो जित निकालेको छ । गएराति भएको खेलमा लियोनले डिजोनमाथि ४–१ को जित निकालेको हो ।

लियोनको जितमा मेम्फिस डिपेले ह्याट्रिक गरे । खेलमा औरिलियन स्कीडलरको गोलमा डिजोनले खेलको १४ औं मिनेटमा अग्रता लिएको थियो । तर, ३९ औं मिनेटमा डिपेले पेनाल्टीमार्फत गोल गर्दै लियोनलाई बराबरीमा ल्याए ।

पहिलो हाफको अन्तिम मिनेटमा वेस्ले लौटाओले आत्मघाति गोल गरेसंगै लियोनले खेलमा अग्रता बनायो ।

पहिलो हाफको ईन्जुरी समयमा डिपेले लियोनलाई ३–१ ले अघि बढाए । डिपेले ६६ औं मिनेटमा ह्याट्रिक पुरा गर्दै लियोनलाई सहज जित दिलाए ।