यसरी रह्यो अमिताभको थर बच्चन

काठमाडौं - बलिउड महानायक अमिताभ बच्चन फिल्म उद्योगमा आएको ५० वर्ष पुगेको छ । निजी जीवनलाई लिएर हालै अमिताभले ब्लगमा केही कुरा खुलासा गरेका छन् ।

उनका अनुसार उनका पिता जाति प्रथाविरोधी थिए । उनको पिताको जन्म कायस्थ परिवारमा र थर श्रीवास्तव थियो । यही कारण पिताले थर बच्चन राखेको अमिताभले बताएका छन् । 

अमिताभले भनेका छन्, ‘मातापिताले सल्लाह गरेरै मलाई स्कुलमा भर्ना गर्ने समय फारममा मेरो थर बच्चन लेखिदिए । अन्ततः सोही नै परिवारको थर रह्यो ।’ अमिताभले आफ्नो बच्चन थरप्रति गर्व रहेको जनाएका छन् ।