काठमाडौं - आगामी मंसिर १५ गतेबाट हुने नेपाल प्रिमियर लिग (एनपीएल) को प्रत्यक्ष प्रसारण (लाइभ) स्टार स्पोर्ट्स च्यानलबाट हेर्न पाइने भएको छ ।

नेपाल क्रिकेट संघ (क्यान) का सचिव पारस खड्काले शुक्रबार एनपीएलको स्टार स्पोर्ट्सबाट प्रत्यक्ष प्रसारण हुने जानकारी दिए ।

स्टार स्पोर्ट्स विश्वव्यापी रूपमा सबैभन्दा धेरै हेरिने खेल च्यानलमध्ये एक हो, जसले एनपीएललाई नेपाल भित्रमात्र सीमित नगरी दक्षिण एसियालगायत अन्तर्राष्ट्रिय दर्शकहरूसम्म पुर्याउने छ । यस

यसअघि स्थानीय च्यानलहरुले आफूहरुले पाउनुपर्ने माग गरे पनि दर्शकको चाहना र पहिलोपटक हुन लागेको यति ठूलो लिगलाई विश्वस्तरमा चिनाउनका लागि उक्त च्यानललाई दिइएको हो ।

यस्तै एनपिएलको मुख्य प्रायोजक सिद्धार्थ बैंक लिमिटेड रहेको छ । आगामी पाँच वर्षसम्मका लागि मुख्य प्रायोजकमा सिद्धार्थ बैंकसँग सम्झौता भएको सचिव खड्काले जानकारी दिए ।