युनाईटेडको सहज जित

एजेन्सी - प्रिमियर लिग फुटबलमा म्यान्चेष्टर युनाईटेडले सहज जित निकालेको छ । गएराति भएको खेलमा एस्टन भिल्लालाई ३–० गोल अन्तरले पराजित गर्दै सहज जित निकालेको हो ।

पछिल्लो खेलहरुमा उत्कृष्ट लयमा रहेको युनाईटेडले आफ्नो अपराजित यात्रालाई १७ खेलसम्म पुर्याएको छ ।

भिल्लाविरुद्धको खेलमा ब्रुनो फर्नान्डेसले २७ औं मिनेटमा पेनाल्टीमार्फत् युनाईटेडलाई अग्रता दिलाए । पहिलो हाफको ईन्जुरी समयमा मासन ग्रिनउडले युनाईटेडको अग्रता दोब्बर बनाए ।

५८ औँ मिनेटमा एन्थोनी मार्टियलको क्रसमा पाउल पोग्बाले गोल गर्दै जित सुनिश्चित गरे । लिगमा चार चरणको खेल बाँकी रहदाँ पाँचौ स्थानको युनाईटेडले ५८ अंक जोडेको छ । एस्टनभिल्ला २७ अंक सहित पुछारदेखि दोस्रो स्थानमा छ ।