एजेन्सी - स्पेनिस क्लब एट्लेटिको मड्रिडलाई हराउँदै जर्मन क्लब आरबी लाईपेजिग च्याम्पियन्स लिग फुटबलको सेमिफाईनलमा प्रवेश गरेको छ ।

गएराति पोर्चुगलको लिस्वनमा भएको खेलमा एट्लेटिकोमाथि २–१ को जित निकाल्दै लाईपेजिग पहिलो पटक च्याम्पियन्स लिगको अन्तिम ४ मा प्रवेश गरेको हो ।

खेलमा ५० औँ ड्यानियल ओल्मोले हेडमार्फत गोल गर्दै लाईपेजिगलाई अग्रता दिलाएका थिए । एट्लेटिकोका जोआओ फेलिक्सले पेनाल्टीमा गोल गर्दै खेल बराबरीमा ल्याए ।

खेल सकिन दुई मिनेट बाँकी छदाँ टायलर एडम्सले गोल गर्दै लाइपेजिगलाई जित दिलाएका थिए ।

क्लब स्थापनाको ११ वर्षमा लाइपेजिगले यो सफलता हासिल गरेको हो । लाइपेजिगले अब सेमिफाईनलमा फ्रान्सेली क्लब पेरिस सेन्ट जर्मेन (पीएसजी)संग प्रतिस्पर्धा गर्नेछ ।