एजेन्सी - ब्राजिलियन स्टार ग्याब्रियल जिसस चम्किँदा च्याम्पियन्स लिग फुटबलमा म्यानचेष्टर सिटीले शानदार जित हात पारेको छ ।

बुधबार राति भएको खेलमा डायनामो जाग्रेबलाई ४-१ गोलको अन्तरले हराउँदै सिटीले नकआउट चरणमा स्थान पक्का गरेको हो । डायनामोको मैदानमा सिटीलाई जिताउन जिससले ह्याट्रिक गरे भने फिल फोडेनले एक गोल गरे । डायनामोको लागि ड्यानी ओल्मोले एक गोल गरेका थिए ।

खेलको सुरुवाती अग्रता भने डायनामोले लिएको थियो । घरेलु टोलीलाई अगाडि बढाउन खेलको १० औ मिनेटमा ओल्मोले गोल गरेका थिए । तर, त्यसपछि भने सिटीले नै खेल एकतर्फी बनायो ।

सिटीका जिससले खेलको ३४, ५० र ५४ औ मिनेटमा गोल गर्दै आफ्नो ह्याट्रिक पूरा गरे । यो स्थितीमा सिटीले खेलमा ३-१ को पुनरागमन  गरिसकेको थियो । ८४ औ मिनेटमा सिटीका लागि फोडिनले गोल गर्दै ४(१ को जित सुनिश्चित गरे ।

जितसँगै समूह सीको सिटीले ६ खेलबाट १४ अंक जोड्दै समूह विजेताको रुपका नकआउट चरण प्रवेश गरेको छ । पारजित जाग्रेब ५ अंक सहित पुछारमा छ ।