एजेन्सी - जर्मन बुन्डेशलिगामा बोरुसिया डर्टमण्डले बराबरीको खेलेको छ ।

शुक्रबार राति भएको खेलमा डर्टमण्डले पाडेरबोर्नसंग ३–३ गोलको बराबरी खेल्दै अंक बाँड्न पुगेको हो । खेलको इन्जुरी समयमा कप्तान मार्को रिउसले गोल गर्दै डर्टमण्डलाई जोगाएका हुन् ।

डर्टमण्डको मैदानमा पाहुना टोलीले पहिलो हाफमै ३–० को अग्रता लिएको थियो ।खेलको पाँचौ मिनेटमा स्ट्रेलीले गोल गर्दै पादेरवर्नलाई अग्रता दिलाएका थिए । ३७औं मिनेटमा स्ट्रेलीले व्यक्तिगत दोस्रो गोल गरे । ४३औं मिनेटमा जेरिट हल्टम्यानले गोल गरेपछि डर्टमन्ड घरेलु मैदानमा ३–० ले पछि परेको थियो ।

दोस्रो हाफको ४७औं मिनेटमा जेडोन साञ्चोले गोल गर्दै डर्टमन्डलाई खेलमा फर्काउने कोसिस गरे । ८४औं मिनेटमा एक्सेल विस्टेलले गोल गर्दै खेललाई ३–२ को अवस्थामा ल्याए ।

हारतर्फ उन्मुख रहेको डर्टमन्डका लागि खेलको इन्जुरी समयमा रिउसले गोल गर्दै हारबाट जोगाए ।

यो बराबरीसँगै डर्टमन्ट १२ खेलबाट २० अंक जोडेर पाँचौ स्थानमा रहेको छ । पादेरवर्न ५ अंकसहित रेलिगेसन जोनको पुछारमा छ ।