काठमाडौं - करिम बेन्जेमाको गोलले मड्रिड डर्बीमा रियाल विजयी भएको छ । शनिबार राति भएको मड्रिड डर्बीमा रियालले एट्लेटिको मड्रिडविरुद्ध १–० को जित निकाल्यो ।

घरेलु मैदानमा रियाललाई जिताउन बेन्जेमाको गोल नै निर्णायक सिद्ध भयो । पहिलो हाफ गोलरहित बराबरीमा सकिँदा ५६औं मिनेटमा बेन्जेमाले गोल गरे । यो जितसँगै शीर्ष स्थानमा रहेको रियाल २२ खेलमा ४९ अंक जोड्न सफल भएको छ । जितपछि रियाल दोस्रो स्थानको बार्सिलोना भन्दा ६ अंकले अगाडि छ ।

एक खेल कम खेलेको बार्सिलोनाको ४३ अंक छ । पाँचौं स्थानको एट्लेटिकोले भने ३६ अंक बटुलेको छ । स्पेनिस ला लिगाको अर्को खेलमा ग्रनाडाले स्पानियोललाई २–१ गोल अन्तरले हरायो ।