सिपीएल: सन्दीप आबद्ध जमैकाको खेल आज राति

काठमाडौं - क्यारेबियन प्रिमियर लिग (सिपीएल)अन्तर्गत सन्दीप लामिछाने आबद्ध जमैका तालवाजले आफ्नो नवौँ खेल आज(शनिबार) राति खेल्दैछ।

ट्रिनिडाडस्थित ब्रायन लारा रंगशालामा जमैकाले नवौँ खेल बार्बाडोस ट्रिनिडाडविरुद्ध खेल्न लागेको हो। उक्त खेल नेपाली समयानुसार राति १२ बजे शुरु हुनेछ। बार्बाडोसको भने यो १०औँ खेल हो।

जमैकाको यसअघि आठौँ खेल वर्षाका कारण रद्द भएको थियो। जमैका तीन खेलमा जित हात पार्दै अंक तालिकाको चौथो स्थानमा छ।